V Qysqy respýblıkalyq spartakıadada almatylyq sportshylar jeńiske jetti
ALMATY. QazAqparat - Almatyda V Qysqy respýblıkalyq spartakıada aıaqtaldy, dep habarlaıdy QazAqparat tilshisi.
Almaty qalasynyń sport basqarmasynda málim etkendeı, jeltoqsan aıynyń 4-27 aralyǵynda ótken V Qysqy respýblıkalyq spartakıadadanyń qorytyndysy boıynsha jalpykomandalyq esepte - Almaty qalasynyń sportshylary jeńiske jetti (5795,4 upaı).
Ekinshi oryndy - ShQO komandasy aldy (5664 upaı).
Úshinshi oryn - Aqmola oblysynyń sportshylaryna buıyrdy (2593 upaı).
Almatylyq atletter - 6 altyn jáne 5 kúmis medal ıelendi.
Júldegerler kýboktar, medaldar jáne maqtaý qaǵazdarymen marapattaldy.
Spartakıadanyń aıaqtalý rásimi búgin «Almaty Arena» muz aıdynynda ótti.
Aıta keteıik, buǵan deıingi ótken spartakıada da almatylyq sportshylar jeńimpaz atanǵan bolatyn.
Eske salsaq, Almatyda V Qysqy respýblıkalyq spartakıada 21 jeltoqsanda saltanatty túrde ashylǵan edi. Qysqy sport oıyndaryna elimizdiń eń myqty sportshylary: bıatlon, kerlıng, konkımen júgirý, mánerlep syrǵanaý, short-trek, shaıbaly hokkeı (erler), shaıbaly hokkeı (áıelder), taý shańǵysy sporty, aralas shańǵy, shańǵymen sekirý, snoýbord, frıstaıl-mogýl, frıstaıl akrobatıka sport túrleri boıynsha synǵa tústi.
