V.Kozlovqa, S.Saparǵalıǵa jáne A.Amınovke qatysty úkim zańdy kúshine endi

Bul týraly QR Bas prokýratýrasynyń resmı ókili Nurdáýlet Súıindikov málim etti.

«Ótken dúısenbide, aǵymdaǵy jyldyń 19 qarashasynda Mańǵystaý oblysynyń sotymen áleýmettik arazdyqty qozdyrý, bılikti kúshtep qulatýǵa shaqyrý, uıymdasqan topty qurý jáne ony basqarý faktileri boıynsha Aqtaý qalalyq sotynyń 2012 jylǵy 8 qazandaǵy úkimine Vladımır Kozlov pen onyń qorǵaýshylarynyń apellıatsııalyq shaǵymdary qaralǵandyǵy ózderińizge málim.

Qylmystyq is materıaldaryn jáne aıyptalýshy men onyń qorǵaýshylarynyń keltirgen barlyq ýájderin zerdeleý nátıjesi boıynsha birinshi satydaǵy sot úkimi ózgerissiz, al apellıatsııalyq shaǵymdar qanaǵattandyrýsyz qaldyryldy.

Osylaısha, Vladımır Kozlovqa, Serik Saparǵalıge jáne Aqjanat Amınovke qatysty úkim zańdy kúshine endi», - dedi ol.

Resmı ókildiń atap ótýinshe, sottalǵandar sot úkimine kassatsııalyq jáne qadaǵalaý tártibinde shaǵymdanýǵa quqyly.