V. Kozlov tirkelmegen «Alǵa!» partııasynyń belsendi múshelerine materıaldyq syıaqylar berip otyrǵan jáne bul somalardyń eshqandaı salyqtary tólenbedi
AQTAÝ. 5 qyrkúıek. QazAqparat - Vladımır Kozlov tirkelmegen «Alǵa!» oppozıtsııalyq partııasynyń belsendi múshelerine materıaldyq syıaqylar berip otyrǵan.
Bul týraly búgin Aqtaýdaǵy sot otyrysynyń barysynda kýáger retinde sóz sóılegen atalǵan partııanyń Úılestirý komıteti tóraǵasynyń mindetterin atqarýshy Mıhaıl Sızov habarlady.
Onyń aıtýynsha, V.Kozlov partııa úshin aımaqtardaǵy jyljymaıtyn múlikti satyp alýǵa jáne ony ustaýǵa, budan basqa, avtomombılderdiń janar-jaǵarmaılaryna jáne keńse zattaryn satyp alýǵa qarajat bólgen, sondaı-aq partııanyń eń belsendi múshelerine materıaldyq syıaqylar berip otyrǵan. Bul maqsattar úshin ol Muratbek Ketebaev (partııa múshesi) esimdi bir adamnan 100 mln. teńge alǵan da bolatyn, alaıda bul tólemderdiń eshqandaı zeınetaqylyq jáne salyqtyq esepteýleri jasalmady. M.Ketebaev ıdeologııa máselelerimen aınalysqan jáne partııanyń qyzmetine qarjylyq qoldaý kórsetken, qazirgi kezde ol shetelde júr. M.Sızovtyń habarlaýynsha, partııanyń fılıaldary respýblıkanyń barlyq oblystarynda jáne Semeı men Tekeli qalalarynda boldy.
