V.G.Fesenkov atyndaǵy Astrofızıka ınstıtýtynyń qurylǵanyna 60 jyl toldy
; ALMATY. Qazannyń 4-i. QazAqparat /Erbol Azanbek/ - V.G.Fesenkov atyndaǵy Astrofızıka ınstıtýtynyń qurylǵanyna 60 jyl toldy. Atalǵan mereıtoıǵa oraı búgin Almatyda «ІІІ Fesenkov oqýlary: Zamanaýı astrofızıka: dástúrleri men bolashaǵy» atty halyqaralyq ǵylymı-tájirıbelik konferentsııa óz jumysyn bastady,
dep habarlaıdy QazAqparat.
Astrofızıka ınstıtýtynyń qabyrǵasy 1941 jyly qalanǵan. Osy jyldyń qyrkúıeginde KSRO Ǵylym akademııasynan Qazaqstanǵa kúnniń tutylýyn zertteý úshin kelgen ekspedıtsııa ınstıtýttyń ashylýyna muryndyq bolady. Al 1942 jyldan bastap astrofızıka salasy boıynsha alǵashqy zertteýler júrgizile bastaıdy. Bul zertteýlerdiń negizin salýshylar KSRO Ǵylym akademııasynyń akademıkteri V.Fesenkov pen G. Tıhonov boldy. 1950 jyly ınstıtýt Astrofızıka jáne fızıka-tehnıkalyq ınstıtýt bolyp ekige bólinedi. Akademık Fesenkov astrofızıka ınstıýtyn 1964 jyly Máskeýge ketkenge deıin basqarady. Máskeýde ǵylym jolyn jalǵastyrǵan ǵalym 1972 jyly dúnıe salǵan.
Instıtýt astronomııa salasynda tyń zertteýler men jańalyqtardyń ashylýyna muryndyq bolǵan birden-bir ınstıtýt retinde jumysyn jalǵastyrýda. Qazirgi kezde ınstıtýt QR Ulttyq ǵarysh agenttiginiń «Ǵaryshty zertteý jáne tehnologııalary Ulttyq ortalyǵy» AQ quramyna kiredi. Juldyzdardyń fızıkasy jáne tumandylyq, ǵaryshtaǵy belsendi úrdisterdiń fızıkasy, ǵaryshtaný men juldyzdardyń qozǵalysy, aı men ǵalamsharlardyń fızıkasy, spýtnıkterdi baqylaý jáne aqparattyq júıeler qyzmetin júzege asyrady. Sondaı-aq Almaty mańyndaǵy Kamenka ústirti, Tıan-Shan jáne Asy-Túrgen astronomııalyq rasythanasynyń qyzmetin de júzege asyrý ınstıtýttyń quzyrynda. Instıtýt ǵalymdarynyń qazirgi tańdaǵy eń joǵary ǵylymı jańalyqtary retinde ǵaryshty «qoqystan» aryltý usynystary men Seıfertovtik 50 galaktıkany ashý, jerdiń jaratylysyn zertteýlerdi aıtýǵa bolady.
Instıtýttyń mereıtoıyna arnalǵan konferentsııa eki kúnge sozylady. Sharaǵa Ulttyq ǵarysh agenttigi, «Ǵaryshty zertteý jáne tehnologııalary Ulttyq ortalyǵy» AQ men Qazaqstan, Reseı, Ýkraına, Germanııa, Qytaı, Japonııanyń ǵarysh salasyndaǵy jetekshi ǵalymdary qatysýda.
