Vetnamdaǵy sý tasqynynan 20 adam kóz jumdy
HANOI. QazAqparat – Vetnamda nóser jańbyrdyń saldarynan bolǵan qatty sý tasqyny men kóshkin saldarynan kem degende 20 adam qaza taýyp, taǵy 14 adam habar-osharsyz ketti. Bul týraly QazAqparat VnExpress-ke silteme jasap habarlaıdy.
Ótken seısenbiden bastap bul aımaq nóserdiń astynda qalǵan. Jeksenbide Kýangnam men Kýangngaı provıntsııalary arasyndaǵy aýmaqta soqqan Lınf daýyly jaǵdaıdy odan ári qıyndatqan.
Sońǵy málimetter boıynsha, Kýangchı provıntsııasynda keminde alty adam kóz jumdy. Kýangnamda bes ólim týraly habarlansa, Thýa Thıen-Hýıýde 3 ólim rastaldy. 50 000-ǵa jýyq adam evakýatsııalandy.
Ótken aptanyń ortasynan bastap ortalyq jaǵalaýda qatty jańbyr quıyp, keı aýdandarda júzdegen úı 4 metrge jýyq sý astynda qaldy. Ha Tın, Kýangnam, Kýangbın, Kýangchı jáne Thýa Thıen-Hıýe provıntsııalaryndaǵy, sondaı-aq Danang qalasyndaǵy 206 kommýnadaǵy 100 000-nan astam úı 0,3-3 metr tereńdiktegi sý astynda qalǵan.
