Vetnamdaǵy oqıǵa: Aspannan úsh metall shar qulap tústi
ASTANA. QazAqparat - Vetnamdaǵy shaǵyn aýylǵa aspannan úsh metall shar qulap tústi. Jumbaq nysandardy áskerıler tekserýde, dep habarlaıdy piter.tv.
Aldyn ala boljam boıynsha, bular ǵarysh qaldyqtary bolýy múmkin.
Jergilikti turǵyndardyń áńgimelerine qaraǵanda, sharlar qulaǵan sátte kúnniń kúrkiregenine uqsas dybystar estilgen. Kóshege shyqqan aýyl turǵyndary belgisiz nysandardy taýyp aldy. Oqıǵa ornyna shuǵyl jetken áskerıler sol aýmaqty qorshaýǵa alyp, jumbaq zattardy tekserýge kiristi. Sharlardyń bir baqqa, ekinshisi egis dalasyna, al úshinshisi turǵyn úıdiń tóbesin qırata túsken.
Vetnam BAQ-tarynyń habarlaýynsha, olardyń qulaýy saldarynan eshkim zardap shekpegen.
