Vetnamdaǵy «Demrı» daýylynan qurban bolǵandar sany 30-ǵa jýyqtady
ASTANA. QazAqparat - Vetnamda soqqan «Demrı» atty tropıkalyq daýyldan 27 adam qaza boldy, taǵy 22 adam iz-túzsiz ketkenderdiń qatarynda. Bul týraly jeksenbi, 5 qarasha kúni jergilikti bılik ókilderi habarlady, dep jazady korrespondent.net.
Resmı málimetterge qaraǵanda, daýyl 620-ǵa jýyq úılerdi qıratyp, 40-tan astam ǵımarattardy buzǵan. Tabıǵat apaty bolǵan aımaqtan júzdegen adamdardyń kóshýine týra keldi.
Amerıkalyq metereologtardyń baǵalaýy boıynsha, «Demrı» Vetnamda 2011 jyldan beri bolyp turǵan eń qýatty daýyl. Aldaǵy kúnderde Vetnamda nóser jańbyr jaýyp, sý tasýy múmkin. Osy kezde birshama álsiregen daýyl batysqa qaraı, ıaǵnı Kambodjaǵa bet alýy yqtımal.
