Vetnamda taıfýn qurbandarynyń sany 32 adamǵa jetti
ASTANA. QazAqparat - Vetnamnyń soltústik jáne ortalyq aýdandarynda «Son-Tınh» taıfýnynyń saldarynan bolǵan sý tasqyndary men laı kóshkinderi kem degende 32 adamnyń ómirin qıdy.
AZERTADJ agenttigi Vetnam úkimetiniń málimetterine súıenip habarlaýynsha, taǵy 17 adam iz-túzsiz joǵalǵandar qatarynda.
«Son-Tınh» taıfýny ótken aptanyń seısenbisinde Ońtústik Koreıada paıda bolǵan edi. Eki kúnnen keıin Vetnamǵa lap qoıdy. Kóptegen aýdandar qýatty nóserlerden zardap shekti, olardyń arasynda el astanasy - Hanoı bar.
Topan sý 5 myńnan astam úı men ǵımaratty shaıyp ketti nemese qıratty. 82 myń gektarǵa jýyq aýylsharýashylyq jerleri sý astynda qaldy.
