Vetnamda parlament saılaýy ótip jatyr
ASTANA. QazAqparat - Vetnam Sotsıalıstik Respýblıkasynyń (VSR) konstıtýtsııasyna sáıkes, 18 jastan joǵary 69 mln-nan astam adam jeksenbi kúni bıliktiń joǵary organy bolyp tabylatyn Ulttyq jınalys (parlament) depýtattaryn saılaýǵa qatysyp jatyr, dep habarlady TASS.
Jergilikti ýaqyt boıynsha saǵat 07:00-de VSR-nyń 63 provıntsııasy men qalalarynda qurylǵan 184 aýmaqtyq saılaý okrýginde 91 myńnan astam ýchaske ashyldy.
14-shi shaqyrylymdaǵy Ulttyq jınalystyń 500 depýtattyq mandatyna úmitkerlerdiń sońǵy tizimine 870 adam kirgen. Saılaýdyń resmı qorytyndylary 11 maýsymda jarııalanady.
