Vetnamda ótetin III Azııa oıyndarynda Qazaqstan namysyn sporttyń 11 túrinen 82 sportshy qorǵaıdy
ASTANA. Qazannyń 23-i. QazAqparat /Ernur Aqanbaı/ - Qazannyń 30-y men qarashanyń 8-i aralyǵynda Vetnamnyń Hanoı qalasynda jeńil atletıkadan jabyq ǵımarattaǵy III Azııa oıyndary ótedi.
Onda Qazaqstan ulttyq quramasy sporttyń 11 túrinen synǵa túsedi. El namysyn 82 sportshy qorǵaıdy, dep habarlaıdy QazAqparat.
«Bizdiń sport» saıtynyń málimetinshe, bul jarysta barlyǵy sporttyń 27 túrinen medaldar jıyntyǵy sarapqa salynady. «Jabyq ǵımarattaǵy birinshi Azııa oıyndary 2005 jyly Taılandta ótti. Oǵan bizdiń komanda az quramda qatysty. 2007 jyly Makaoda ótken ekinshi Azııa oıyndarynda Qazaqstan quramasy sapynda 89 sportshy sporttyń 7 túrinen synǵa tústi», delingen saıttyń habarlamasynda.
