Vetnamda koronavırýspen baılanysty jaǵdaı nasharlaı tústi
Ótken táýlikte COVID-19 ınfektsııasynyń 16 110 jaǵdaıy tirkeldi. Onyń 17-si shetelden tasymaldanǵan. Іndet juqtyrǵandardyń eń kóp sany iri qalalarda anyqtaldy: Hanoı astanasynda – 1 405, Kamaýda - 1 345, Hoshımınde - 1 014 jaǵdaı.
Densaýlyq saqtaý mınıstrliginiń málimetinshe eldegi ınfektsııalardyń jalpy sany 1 540 478 – ge jetti, al qaıtys bolǵandar sany 29 566 adamdy qurady.
Vedomstvo Vetnamnyń 99 mıllıonnan astam turǵynynyń 62 mıllıony KVI vaktsınatsııasynyń eki komponentimen egilgenin habarlady.
Nemis ǵalymdary mýtatsııalanǵan koronavırýs shtamynyń taralýy týraly kóńil kónshitpeıtin boljam jasady. Freıbýrg ýnıversıteti klınıkasynyń ımmýnology Krıstof Noıman-Hefelın «omıkron» óte juqpaly, sondyqtan kúnine júzdegen myń adam shaldyǵýy múmkin deıdi.
Qańtar aıynyń ortasynda Ulybrıtanııadaǵy jaǵdaıǵa qaraǵanda bul shtamm Germanııada basym bolýy múmkin.
Sarapshylardyń pikirinshe, halyqtyń belsendiligi men áleýmettik baılanystardy edáýir azaıtý qajet. Sondaı-aq, ınfektsııanyń aýyr zardaptarynan qutylý úshin vaktsınatsııa alý usynylady.