Vetnamda koronavırýsqa shaldyǵyp, jazylǵan adamdardy jumysqa shaqyryp jatyr

NUR-SULTAN. QazAqparat - Bolgarııanyń mınıstrler kabıneti epıdemııalyq jaǵdaıǵa baılanysty tótenshe jaǵdaı rejımin úsh aıǵa uzartty, dep habarlaıdy QazAqparat COVID-19 taralýyna jol bermeý jónindegi vedomstvoaralyq komıssııanyń Telegram kanalyna silteme jasap.

Elde koronavırýs juqtyrǵandar sany kúrt ósip, aýrýhanaǵa jatqyzylǵan naýqastar sany artty.

Vetnamda COVID-19-dan emdelip shyqqan naýqastar aýrýhanalarda jumys isteýge shaqyryldy. Joba Hoshımın qalasynda júzege asyrylýda: vırýstyń órshýine baılanysty dárigerlerdiń júktemesi artyp, mamandar úlgermeı jatyr. Sonymen qatar, búginde Vetnamda koronavırýspen syrqattanǵandar boıynsha táýliktik antırekord – 12 096 jaǵdaı tirkeldi.

Delta Air Lines avıakompanııasy ár vaktsınatsııalanbaǵan qyzmetkerinen aı saıyn 200 dollardan aqy ala bastaıdy. Tasymaldaýshy óz qyzmetkerlerin COVID-19 vaktsınatsııasyna ıtermeleý úshin aıyppul salǵan alǵashqy iri amerıkandyq kompanııa boldy. Shara medıtsınalyq saqtandyrýmen qamtylǵan jáne 2021 jylǵy 1 qarashaǵa deıin ekpe almaǵan qyzmetkerlerge qoldanylady.