Vetnamda qaqtyǵys saldarynan 2 qytaılyq azamat qaza taýyp, 100-den astam adam zardap shekti
BEIJІŃ. QazAqparat - Vetnamda qaqtyǵys barysynda QHR-dyń 100-den astam azamaty jaraqat alyp, eki adam qaza tapty, dep habarlady «Sınhýa» agenttigi.
Jýyrda 20 myńǵa jýyq demonstranttar Hoshımı qalasyna jaqyn ornalasqan Vetnam ońtústigindegi 15 shetel kásipornyn tas-talqan etti.
Jappaı tártipsizdik saldarynan 600-den astam bıznesmender men týrıster shuǵyl tártipte vetnam-kambodjıı shekarasyn kesip ótip, Kambodjı aýmaǵynda boı tasalady. Vetnamdaǵy tolqý Ońtústik-Qytaı teńizindegi Paraselskıı araldary aýdanynda burǵylaý platformasyn ornatqan kezden bastaldy. Mamyrdyń basynda qytaılyq China Oilfield Services kompanııasy Sısha (Parasel araldary) arhıpelag akvatorııinde burǵylaý-barlaý jumystaryn júrgize bastaǵan edi.
Resmı Hanoı bul aýdandy ózderiniń aıryqsha ekonomıkalyq aımaǵy sanaıdy, al Beıjiń bul QHR-dyń aýmaqtyq sýy dep málimdedi.
