Vetnamda eń kári tasbaqa óldi
ASTANA. QazAqparat - Hanoıdaǵy Haon Kıem kólinde mekendegen alyp tasbaqa 19 qańtardyń keshinde óldi, dep habarlaıdy Vietnam Breaking News. Atap ótilgendeı, jergilikti turǵyndar men barlyq vetnamdyqtar úshin bul ókinishti oqıǵa bolyp otyr.
Sońǵy ret kýágerler tasbaqanyń kóldiń betine 21 jeltoqsanda shyqqanyn kórgen.
Shamalanyp otyrǵandaı, jasyna júzdegen jyl bolǵan tasbaqa óziniń sırektigimen jáne Haon Kıem kólimen baılanysty ańyzben áıgili edi.
Buryn kólde tórt tasbaqa mekendegen, sonyń úsheýi Nefrıt taýynyń Shirkeýi men Hanoı murajaıynda tirshilik keshýde.
Qazirgi kezde osyǵan uqsas nebári úsh darasy saqtalǵan. Olardyń bireýi - Hanoıdaǵy Dong Mo ózeninde, taǵy ekeýi - Qytaıda mekendeýde.
