Vetnamda bolǵan sý tasqynynan 11 adam kóz jumdy
ASTANA. 17 qarasha. QazAqparat - Vetnamnyń ortalyq bóliginde bolǵan kezekti sý tasqyny kem degende 11 adamnyń ómirin alyp ketti, dep habarlaıdy RIA jańalyqtar agenttigi. Sý tasqyny men daýyldy baqylaý jónindegi Ulttyq basqarmanyń málimetterine súıensek, tórt adam, sonyń ishinde eki jasar qyz bala Thyathen-Hıýe provıntsııasynda, al úsh adam Kýangngaı provıntsııasynda mert bolǵan. Taǵy úsh adam basqa úsh provıtsııalarda qaza tapqan.
Basqarmanyń habarlaýynsha, sońǵy úsh kúnde aımaq boıynsha 74 sm mólsherinde jaýyn-shashyn bolyp, Vetnam ortalyǵynda qazan aıynyń basynan bergi sý tasqynynyń tórtinshi tolqynyn shaqyrǵan.
Sońǵy derekter boıynsha, osy kezeńde tabıǵat apatynan qurban bolǵandar sany 178 adamǵa jetti.
