Vetnamda «bıiktiktegi orman» atty 333 metrlik ǵımarat turǵyzylmaq
ASTANA. QazAqparat - Vetnamdyq Hoshımınde qasbetinde tropıkalyq ósimdikter men aǵashtar ósirýge arnaıy oryn bólinetin záýlim ǵımarat - Empire City salý josparlanyp otyr.
Ózgeshe jobany Ole Scheeren arhıtektýralyq bıýrosy daıyndaǵan. Joba boıynsha, ǵımarattyń bıiktigi 333 metr bolmaq. Ol Vetnamdaǵy eń bıik nysan atanǵaly otyr, dep habarlaıdy Inhabitat.
Empire City qasbetiniń ár qabatyndaǵy aǵashtardyń bolýyna oraı bul jobany «bıiktiktegi orman» dep ataýda.
Joba boıynsha, ǵımarattyń joǵary qabatynda qonaqúı, saýda núkteleri jáne ofıster ornalaspaq. Ázirge qurylystyń qashan bastalatyndyǵy aıtylmaı otyr.
