Vetnamda belgisiz aýrýdan 17 adam kóz jumdy
ASTANA. 21 sáýir. QazAqparat - Vetnamda 17 adam belgisiz aýrýdan kóz jumyp, 170-ten astam adam osy aýrýǵa baılanysty álsizdik belgilerin sezinýde.
Syrqatqa, negizinen, jastar shaldyqqan. El Úkimeti Dúnıejúzilik Densaýlyq saqtaý uıymynan kómek surady.
«Interfaks-Kazahstan» habarlaǵandaı, aýrýdyń alǵashqy belgileri - dene qyzýynyń kóterilýi, asqa tábettiń joǵalýy jáne aıaq-qolda bórtpelerdiń paıda bolýy. Qazirgi tańda aýrýhanalarda 100-ge tarta adam jatyr, onyń 10-ynyń jaǵdaıy óte aýyr. Bılik ókilderiniń málimdeýinshe, aýrýdyń belgilerin erterek baıqap, dárigerdiń kómegine júginse, em oń nátıjesin beredi, alaıda kómek ýaqytynda kórsetilmese, aldymen baýyrǵa zııan kelip, sosyn basqa da organdar zaqymdanýy múmkin.
Esterińizge sala keteıik, bolǵan jaǵdaıǵa baılanysty el Úkimeti Dúnıejúzilik Densaýlyq saqtaý uıymynan aýrýdyń sebepterin anyqtaý úshin arnaıy mamandar jiberýdi ótindi.
