"Vetnam televıdenıesi kýbogy" halyqaralyq týrnırinde qazaqstandyq voleıbolshy qyzdar 7-oryn aldy
ALMATY. 19 shilde. QazAqparat /Erlik Erjanuly/ - Shildeniń 9-16 kúnderi Vetnam eliniń Dak Lak qalasynda voleıboldan áıelder komandalary arasynda "Vetnam televıdenıesi kýbogy" halyqaralyq týrnıri ótti.
QR Voleıbol federatsııasy taratqan habarlamaǵa qaraǵanda, oǵan 8 elden 9 komanda qatysqan. Onda Nellı Şerbakova jattyqtyratyn Qazaqstannyń jastar quramasy irikteý kezeńinde "A" tobynda óner kórsetti. Olar Soltústik Koreıa men Vetnam-1 komandalaryna 0:3 esebimen jeńilip, Avstralııa voleıbolshylarymen bolǵan sońǵy oıynda ǵana 3:1 esebimen jeńistiń dámin tatty. Odan keıin negizgi synda taılandyqtardyń osal tusyn taba almaǵanymen (0:3), avstralııaqtarmen bolǵan ekinshi kezdesýde taǵy da 3:1 esebimen basym túsip 7-orynǵa taban tiredi.
