Vetnam televıdenıesi kýbogy halyqaralyq týrnırinde qaraǵandylyq voleıbolshylar jartylaı fınalǵa shyqty
ALMATY. 6 naýryz. QazAqparat - Vetnamnyń Gıa Laı qalasynda voleıboldan áıelder arasynda ótip jatqan "Vetnam televıdenıesi kýbogy" VII Halyqaralyq týrnıriniń toptyq saıystary ótýde.
Onda el namysyn qorǵap jatqan «Qaraǵandy» komandasy qazir «A» tobynda 6 upaımen kósh bastap kele jatyr. Nurlan Sadyqov jattyqtyratyn qaraǵandylyqtar alǵashqy oıynda vetnamdyqtardyń «VTV-Binh Điền Long An» komandasy men Avstralııa quramasyn 3:0 esebimen utty. Erteń endi jarys qojaıyndarynyń «VietsovPetro» komandasymen kezdesedi. Olardyń da qorjynynda 6 upaı bar. Eger bul oıynda «qaraǵandylyqtar» basym tússe, 9 naýryzda jartylaı fınalda «V» tobynda 2-shi oryn alǵan komandamen, al ekinshi oryn alsa, «V» tobynyń jeńimpazymen kezdesedi. Qazir bul topta 5 upaımen Vetnamnyń ónerkásip jáne kommertsııa bankiniń «Ngân hàng Công thương» komandasy kósh bastaýda. Odan keıingi oryndarda 2 upaımen Ońtústik Koreıanyń «Yang Sang» komandasy men ázirge qorjyny bos kele jatqan jarys qojaıyndarynyń «Tân Bình» komandasy kele jatyr.
