«Vetnam televıdenıesi kýbogy» halyqaralyq týrnırin qaraǵandylyq voleıbolshylar sátti bastady

Dástúrli túrde jyl saıyn ótetin jarysqa bıyl alań ıeleriniń Ulttyq lıgasynyń - bes, Ońtústik Koreıa men Qazaqstannyń bir-bir komandalary jáne Avstralııanyń quramasy qatysýda. Nurlan Sadyqov jattyqtyratyn qaraǵandylyqtar keshe «V» tobyndaǵy alǵashqy oıynda vetnamdyqtardyń «VTV-Binh Điền Long An» komandasynan 0:3 (16-25, 11-25, 15-25) esebimen basym tústi. 3 naýryz kúni olar úzilis aldy, jarysty «A» tobyndaǵy komandalar jalǵastyrady. Onda vetnamdyqtardyń «TT Liên Việt Bank» men «Tân Bình» jáne «VietsovPetro» komandalary men Avstralııa quramasy ózara kúsh synasady. Al qaraǵandylyqtardyń aldaǵy kúnderdegi qarsylastary Ońtústik Koreıanyń «Yang Sang» jáne Vetnamnyń ónerkásip jáne kommertsııa bankiniń «Ngân hàng Công thương» komandalary bolmaq. Buǵan deıin bul eki komandanyń arasyndaǵy oıynda 3:2 esebimen bank ókilderi jeńiske jetken edi.
Jalpy júlde qory 26 000 AQSh dollaryn quraıtyn bul jarysta, jeńimpaz - 12 000, kúmis júldeger - 7 000, qola júldeger - 5 000 dollar syıaqy alady. Sondaı-aq úzdik oıynshylarǵa da arnaıy júldeler taǵaıyndalyp otyr. Olardyń esimderi 10 naýryzdaǵy aqtyq oıynnan keıin belgili bolady.
Byltyr bul dúbirli dodada Qazaqstannyń ulttyq quramasy besinshi oryndy qanaǵat tutqan bolatyn. Bıyl qaraǵandylyqtardyń bas bapkeri myna oıynshylarǵa úmit artýda: ıÝlııa Lonıýk, Krıstına Alekseeva, Natalıa Jýrba, Ganna Lagýtenko, Ekaterına Akılova, Natalıa Akılova, Inna German, Veronıka Jıvtsova, Marııa Patsıýrkevıch, Stanıslava ıAvorskaıa, Elızaveta Shepelenko, Irına Mıagkaıa.