«Vetnam telearnasy kýbogy» halyqaralyq týrnırin qazaqstandyq voleıbolshylar sátsiz bastady
ALMATY. 15 shilde. QazAqparat - Voleıboldan Vetnam eliniń Nınbın qalasynda ótip jatqan dástúrli «Vetnam telearnasy kýbogy» halyqaralyq týrnırinde Qazaqstan-2 quramasy qytaılyq «Shandong», .
«Jiangsu» klýbtarynan 0:3 esebimen oısyraı utyldy. Sonyń saldarynan alǵashqy 2 kúnniń qorytyndysy boıynsha týrnır kestesinde sońǵy orynda kele jatyr.
Qazaqstandyq qyzdar búgin Taılandtyń 20 jasqa deıingi jastar quramasymen kezdesedi. Olar buǵan deıin Avstralııa quramasyn 3:1 esebimen utyp, dál osyndaı eseppen «Shandong» klýbyna ese jibergen bolatyn.
Bul jarystyń jartylaı jáne aqtyq oıyndary 19-20 shilde kúnderi ótedi. Qazir týrnır kestesinde 6 upaımen «Shandong» klýby kósh bastap kele jatyr. Olardan «Jiangsu» klýbynyń - 1, Vetnam quramasynyń - 2, Taıland jastar quramasynyń 3 upaıy kem. Al Avstralııa men Qazaqstan-2 quramalarynyń qorjynynda ázirge birde-bir upaı joq.
