Vetnam soǵysyna qatysqan jalǵyz qazaq
NUR-SULTAN. QazAqparat - Isa Bısenov 1964 jyly ásker qataryna alynyp, Lenıngrad áskerı okrýginiń raketalyq dıvızıonynda áskerı dáriger qyzmetin atqarǵan, dep habarlaıdy QazAqparat Habar 24 agenttigine silteme jasap.
Biraq sol kezdegi Keńes úkimetiniń qupııa tapsyrmasymen Vetnamda raketalyq atqyshtar polky quramynda jergilikti áskerılerdi oqytyp, keıin urys qımyldaryna da qatysqan. Bir jarym jyldaı surapyl soǵysta bolǵan syrboıylyq sarbaz elge oralǵannan keıin óz mamandyǵy boıynsha dárigerlik qyzmet atqardy. Uzaq jyldar boıy Qýańdarııa aýylyndaǵy aýrýhanany basqardy. Qupııa tapsyrmany oryndaǵandyqtan, Isa Bısenovtiń áskerı bıletine Vetnamdaǵy soǵysqa qatysqany týraly mór basylmaǵan. Tipti «Erligi úshin» medali berilgenmen, onyń da nómiri joq eken. Al osydan 6 jyl buryn Vetnam prezıdenti Isa Bısenovti qabyldap, syı-qurmet kórsetken bolatyn.
«1966 jyly azamattyq kıimmen, dıplomatııalyq qujatpen Qytaı arqyly ótip bardyq. Sodan 6 aı jaýyngerlerdi teorııalyq jaǵynan raketaǵa oqyttyq»,-deıdi Vetnam soǵysynyń ardageri Isa Bısenov.
