Vetnam Reseı, Belarýs jáne Qazaqstan arasyndaǵy kedendik odaqqa kirýge nıettenip otyr
ASTANA. 30 shilde. QazAqparat - Vetnam Sotsıalıstik Respýblıkasy Reseı, Belorýssııa jáne Qazaqstan arasyndaǵy kedendik odaqqa kirýge qyzyǵýshylyq tanytyp otyr.
Vetnam prezıdenti Chyong Tan Shang Narıan-Mardaǵy baspasóz konferentsııasynda óz eli men Reseı arasyndaǵy saýda-ekonomıkalyq baılanystardy nyǵaıtýdy kózdep otyrǵanyn málimdedi. Atalmysh úderisti jedeldetý úshin úsh el arasyndaǵy kedendik odaqqa kirý jetkilikti. «Rasynda da RF prezıdenti Vladımır Pýtın ekeýmizdiń aramyzda saýda tasymaldarynyń kólemin arttyrýǵa baılanysty ortaq oılarymyz bar. Eger erkin saýda týraly kelisimge qol qoısaq, sapaly kelissózderge kóshemiz», - dep málimdedi Chyong Tan Shang.
Aıta keteıik, erkin saýda týraly kelisim boıynsha kelissózderdiń bastalýy týraly eki el ókili 2012 jyldyń qyrkúıek aıyndaǵy Vladıvostokta ótetin Azııa-Tynyq muhıty ekonomıkalyq yntymaqtastyq sammıti kezinde jarııa etýdi jón kórdi,-dep jazady Eýrazııa birinshi arnasy.
