Vetnam prezıdenti otstavkaǵa ketti
ASTANA. QazAqparat - Vetnam Ulttyq jınalysynda daýys berý nátıjesi boıynsha el prezıdenti Chyong Tan Shang qyzmetinen bosatyldy. Jınalystaǵy 473 depýtattyń 447-si osy sheshimge daýys berdi, dep habarlady Ýtro.rý.
Qazirgi ýaqytta Hanoıda Ulttyq jıynalys sessııasy ótip jatyr, onda eldiń atqarýshy bıliginiń jańa basshylary saılanady.
Aldaǵy kúnderi parlamentte eldiń jańa prezıdenti men jańa premer-mınıstrin saılaý boıynsha daýys berý rásimi ótpek.
Atalǵan laýazymdarǵa general Chan Daı Kýang jáne qazirgi vıtse-premer Ngýen Sýan Fýk saılanady degen boljam bar.
Ekeýi de - Vetnam Kompartııasy OK-nyń saıası bıýrosynyń múshesi.
