Vetnam prezıdenti Ngýen Sýan Fýk otstavkaǵa ketti
ASTANA. QazAqparat – Vetnam prezıdenti Ngýen Sýan Fýk qyzmetinen ketetinin málimdedi, artynsha eldiń Kommýnıstik partııasynyń ortalyq komıteti onyń otstavkasyn qabyldady, dep habarlaıdy QazAqparat bbc.news-ke silteme jasap.
Vetnamdaǵy bılik júıesinde kompartııanyń bas hatshysy úlken bılikke ıe, degenmen prezıdenttiń de birqatar ókilettiligi bar. Sarapshylar pikirinshe, Ngýen Sýan Fýktyń qyzmetinen ketýi Vetnamnyń basqarýshy bıliginde kúshterdiń ornalasý tártibin ózgertýi yqtımal.
Ótken aptalarda Prezıdent otstavkasy týraly kóp qaýeset tarady. Ngýen Sýan Fýk el úkimetin basqarǵan ýaqytta jumys istegen premer-mınıstrdiń eki orynbasary ornynan ketkennen keıin, N. Sýan Fýk kóp uzamaı óz otstavkasy týraly málimdeme jasady. Budan bólek eki mınıstr men úkimettegi ózge birqatar sheneýnikke qylmystyq aıyp taǵyldy.
Qazir Vetnam Kommýnıstik partııasynda jemqorlyqqa qarsy kúres naýqany júrip jatyr, ony qatań tártip jaqtastary ótkizýde. Júzdegen vetnamdyq kommýnıst tergeýge alyndy.
Endi Prezıdenttiń otstavkasyn eldiń Ulttyq jıyny maquldaýy kerek, olar osy máselege baılanysty sársenbi kúni kezekten tys daýys berý ótkizedi. Degenmen, sarapshylardyń pikirinshe, bul tek resmı rásim ǵana.
69 jastaǵy Ngýen Sýan Fýk 2016 - 2021 jyldar aralyǵynda premer-mınıstr qyzmetinde boldy. 2021 jyldyń sáýirinde el prezıdenttigine saılandy.
Foto: REUTERS
