Vetnam prezıdenti Chan Daı Kýang qaıtys boldy
ASTANA. QazAqparat - Jergilikti ýaqyt boıynsha juma kúni, saǵat 10:05-te Vetnam prezıdenti Chan Daı Kýang qaıtys boldy, dep habarlaıdy QazAqparat tilshisi Vetnam aqparat agenttigine silteme jasap.
Ortalyq densaýlyq saqtaý basqarmasynyń basshysy Ngýen Kýok Chıeýdiń málimetinshe, prezıdent Kýangtyń jaǵdaıy aýyr bolǵandyqtan, Vetnammen qatar shet elderde emdeýden ótken.
Chan Daı Kýang 61 jasynda dúnıeden ozdy.
Eske salaıyq, Kýang Vetnam prezıdenti laýazymyna 2016 jylǵy sáýir aıynda kelgen edi.
