Vetnam ormanynda 40 jyl ómir súrgen áke men ul órkenıetke oraldy (FOTO)
ASTANA. QazAqparat - Vetnam soǵysy (1956-1975) jyldary amerıkandyq bombalaýdan ormanǵa qashqan áke men ul Vetnamnyń ortalyq provıntsııasy Kýangnaı ormanynda 40 jyl ómir súrgen, dep habarlaıdy TASS.
Qazir olar jabaıy tabıǵat ómirinen zamanaýı ómirge beıimdelý ústinde. Eń alǵash qashqyndardy týysy izdep tapqan jáne olardy órkenıetke qaıtarýǵa tyrysqan. Áke men ul uzaq ýaqyt boıy elge oralýdan úzildi-kesildi bas tartqan, alaıda 80 jasqa kelgen er adamǵa medıtsınalyq kómek qajet bolǵan. Sol sebepti, ekeýi de jaqyn mańdaǵy aýylǵa kóshýge kelisim bergen.
«Tarzandarmen» tildesý múmkindigi týǵanda, olar ózderi týraly, ormandaǵy ómiri týraly baıandap berdi. Olardyń úlkeni - Ho Van Than sheteldik basqynshylardan táýelsiz bolý úshin kommýnıster jaǵynda kúresken. Biraq, 1972 jyly AQSh áskerı áýe kúshteriniń alapat bombalaýyna tap kelip, kishkentaı uly Ho Van Langty alyp ormanǵa qashqan. Aýyldary tolyq kúırep, barlyq týystary qaza tapqandyqtan, áke men ul amerıkandyq áýe nysanasyna jıi aınalatyn eldi mekenderden aýlaq bolýdy sheshken.
Qazir jasy elýge kelgen Ho Van Langtyń zamanaýı ómirge boıy úırendi. Ol kishigirim jer telimine egin egip júr jáne jaqyn arada úılenbek te oıy bar.
