Vetnam men Qytaı teńiz máselelerin beıbit jolmen rettegisi keledi
HANOI - BEIJІŃ. 17 qazan. QazAqparat /Rýslan Súleımenov/ - Vetnam men Qytaı Ońtústik-Qytaı teńizindegi turaqtylyq pen beıbitshilikti qoldaý jáne eki el arasyndaǵy qarym-qatynasty saqtaý úshin kez kelgen ótkir máselelerdi syndarly jolmen sheshedi.
Bul týraly Búgin Beıjińde ótken kezekti baspasóz máslıhaty barysynda eki eldiń osy málimdemesine degen Fıllıpın jaǵynyń qarsylyǵyna qatysty jaǵdaıdy túsindire kele QHR SІM resmı ókili Lıý Veımın málim etti.
Qytaı dıplomatynyń aıtýynsha, Vetnam Kommýnıstik partııasynyń bas hatshysy Ngýen Fý Chongtyń 11 qazan men 15 qazan aralyǵynda Qytaıǵa jasaǵan birinshi saparynyń qorytyndysy boıynsha taraptar birlesken málimdemege qol qoıdy. Bul qujatqa sáıkes, Qytaı men Vetnam teńizge qatysty kez kelgen máseleni kelissózder men dostyq konsýltatsııalar arqyly beıbit jolmen retteýge, sondaı-aq Ońtústik Qytaı teńizindegi beıbitshilik pen turaqtylyqty saqtaýǵa degen saıası erik-jigerleri men daıyndyqtaryn qýattady.
«Taraptardyń eshqaısysy eki partııa men eki el arasyndaǵy qarym-qatynasty buzýǵa jol bermeýi kerek», - delingen birlesken málimdemede.
QHR SІM resmı ókili habarlaǵandaı, Fıllıpın men Qytaı da Ońústik-Qytaı teńizine qatysty daýly máselelerdi Fıllıpın men Vetnam arasyndaǵy tikeleı kelissózder arqyly sheshe alady.
