Vetnam men Irak AÓІSShK quramyna tolyqqandy músheler retinde qabyldanbaq
ASTANA. Maýsymnyń 7-si. QazAqparat /Rýslan Ǵabbasov/ - Túrkııa Respýblıkasynda ótetin Azııadaǵy ózara is-qımyl jáne senim sharalary jónindegi keńesiniń ІІІ-shi sammıtinde keńestiń quramyna Vetnam men Irak tolyqqandy músheler retinde, al Bangladesh baqylaýshy retinde qabyldanady dep kútilýde.
Bul týraly búgin Astanadaǵy aptalyq brıfıngte QR Syrtqy ister mınıstrliginiń resmı ókili Asqar Ábdirahmanov málim etti, dep habarlaıdy QazAqparat.
Aıta keteıik, Maýsymnyń 8-i kúni Túrkııa Respýblıkasynda ótetin Azııadaǵy ózara is-qımyl jáne senim sharalary jónindegi keńesiniń ІІІ-shi sammıtine qatysý úshin Elbasy Nursultan Nazarbaev búgin Almaty áýejaıynan Ystambulǵa ushyp shyqty.
«Sammıt barysynda Azııa keńesi hatshylyǵy men onyń qyzmetkerlerine, múshe memleketterdiń ókilderine qatysty artyqshylyqtar men ımmýnıtetter jónindegi konventsııaǵa qol qoıý, sondaı-aq sammıttiń qorytyndy qujaty - saıası deklaratsııany qabyldaý josparlanýda», -dedi resmı ókil.
