Vetnam mamandary «100 naqty qadam» Ult josparyn zerdeleýge qyzyǵýshylyq tanytty - QR SІM

ASTANA. QazAqparat - 10 shilde kúni Hanoı qalasynda Qazaqstan Respýblıkasynyń Vetnamdaǵy Elshiligimen Hanoı ulttyq pedagogıkalyq ýnıversıteti janyndaǵy Abaı atyndaǵy mádenıet jáne ǵylym ortalyǵynda «100 naqty qadam», «Máńgilik El» - Ulttyq ıdeıa» taqyrybynda dóńgelek ústel jıyny ótkizildi, dep habarlady QR SІM.

Іs-sharaǵa Hanoı ulttyq pedagogıkalyq ýnıversıtetiniń basshylyǵy, ǵalymdar, zııaly qaýym ókili men sarapshylar, sondaı-aq ýnıversıtet oqytýshylary, aspıranttar men stýdentter qatysty. «Dóńgelek ústel» Qazaqstannyń Prezıdenti Nursultan Nazarbaev jarııalaǵan bes ınstıtýtsıonaldyq reformaǵa arnalǵan.

Qazaqstan Elshisi Beketjan Jumahanov óz sózinde aýdıtorııany elimizdiń saıası jáne áleýmettik-ekonomıkalyq salalarynda qol jetkizgen negizgi jetistikterimen tanystyryp, Elbasynyń «Nurly jol - Bolashaqqa bastar jol» atty Qazaqstan halqyna joldaýyna erekshe nazar aýdardy. Іs-sharada vetnamdyq mamandar qazaqstandyq Ult jospardy zerdeleýge zor qyzyǵýshylyq tanytty. Ýnıversıtettiń vıtse-prezıdenti professor Do Vet Hýng Qazaqstannyń búgingi kúngi damýyn jáne eki eldiń arasyndaǵy ekijaqty qatynastardy damytýdyń keń keleshegin joǵary baǵalady. Ol Ult josparda kórsetilgen Qazaqstandaǵy memlekettik qurylys reformalarynyń ózektiligi men aýqymdyǵyn atap ótti. «Dóńgelek ústeldiń» qatysýshylaryna Qazaqstan týraly beınerolık usynylyp, vetnam tiline aýdarylǵan «100 naqty qadam» Ult jospary, sondaı-aq Qazaqstan týraly túrli aqparattyq materıaldar taratyldy.