Vetnam ınjeneri salmaǵy úsh myń tonnalyq tutas ǵımaratty jyljytpaq
ASTANA. QazAqparat - Vetnamdaǵy Daklak provıntsııasyndaǵy jumysshylar ǵımaratty buzbaı-aq burynǵy ornynan 10 metrge jyljytyldy, dep habarlady Lenta.rý.
Tarıhı ǵımarattyń salmaǵy úsh myń tonnaǵa jetedi. Ony budan ári 70 metrge jyljytyp, 90 gradýsqa burmaq.
Ǵımaratty buzba ı-aq ornynan jyljytý jobasyn ınjener Do Kýok Khan jasady, otandastary ony danyshpan dep sanaıdy.
Úıdi jyljytý úderisine barlyǵy 30 adam jáne 300 tonnalyq jabdyq jumyldyrylǵan. Ekiqabatty ǵımarat budan 223 jyl buryn salynypty. Onyń uzyndyǵy 58 metr, eni - 26 metr. Bul jyljymaıtyn múlik Daklak provıntsııasynyń áskerı qolbasshylyǵyna tıesili eken.
Oqshaý turǵyn úıdi kúnine 10 metrge jyljytý kózdelip otyr. Jumystaǵy úzilis kezinde kóshirýden bolǵan buzylýdy jónge keltirý jáne der kezinde jabdyqtaryn aýystyrý júrgiziledi. Do Kýok Khan ǵımarat konstrýktsııasynyń tutastyǵyn saqtap qalýǵa ýáde berdi.
Ǵımaratty basqa jerge buzbastan kóshirý 20 kúnniń ishinde aıaqtalmaqshy,
Alǵash ret ǵımaratty tutastaı ornynan jyljytýdy Máskeý Kremlindegi Ýspen soboryn salǵan ıtalıandyq sáýletshi jáne ınjener Arıstotel Fıoravantı XV ǵasyrda júzege asyrypty. Sol kezde shirkeýdiń 24 metrlik qońyraý turatyn bóligi 13 metrge ornynan jyljytylǵan kórinedi.
