V Dúnıejúzilik kóshpendiler oıyndaryna qatysatyn shabandozdar irikteldi
ALMATY. KAZINFORM – Almaty ıppodromynda qalalyq Sport basqarmasynyń uıymdastyrýymen Dúnıejúzilik kóshpendiler oıyndary aldynda báıgeden irikteý kezeńi ótti.
Elimizdiń túkpir-túkpirinen kelgen shabandozdar Almatyda báıgeniń 4 túri boıynsha baq synady. Jarysqa «Qunan báıgeden» 27 sáıgúlik, «Top báıgeden» 46, «Alaman báıgeden» 39, al «Jorǵa báıgeden» 11 sáıgúlik qatysty. Jarystyń jalpy júlde qory – 16,5 mıllıon teńge.
«Qunan báıgede» Almaty oblysynan kelgen Abzal Turǵanbek márege birinshi, Almaty oblysynyń taǵy bir shabandozy Dilnur Nurmuqash ekinshi, almatylyq Abzal Turmys úshinshi jetti. «Qunan báıgeniń» úsh qatysýshysy V Dúnıejúzilik kóshpendiler oıyndaryna qatysýǵa joldama aldy.
«Alaman báıgede» birinshi oryn Jetisý óńiriniń shabandozy Álıhan Bolathanulyna, ekinshi oryn Jambyl oblysynan kelgen Murathan Arnatqa, úshinshi oryn Mádı Jolshybekke buıyrdy.
«Top báıgede» astanalyq Arnat Murathan márege birinshi bolyp jetti. Ekinshi oryndy Almaty oblysynyń shabandozy Abzal Turmys, úshinshi oryndy astanalyq Islamnur Ertós ıelendi.
Eske salaıyq, buǵan deıin Almatyda «Uly dala oıyndary» ulttyq sport túrleriniń festıvali ótkenin jazǵanbyz.