V Dúnıejúzilik kóshpendiler oıyndary: Asyq atýdan Qazaqstan quramasy Monǵolııa ulttyq quramasyn 3:0 esebimen jeńdi

ASTANA. KAZINFORM — Otandyq sportshylar 5 kezdesýdiń alǵashqysyn jeńispen bastady. Endi Qazaqstan quramasy Ózbekstan, Ispanııa, Grýzııa jáne Majarstanǵa qarsy kezdesýler ótkizedi.

Aıta keteıik V Dúnıejúzilik kóshpendiler oıyndary aıasynda asyq atýdan saıystar «Alaý» muz aıdyny kesheninde ótip jatyr. 

Erteń kúni boıy jartylaı fınal saıysy ótedi.

Fınaldyq kezdesýler 11 qyrkúıekke josparlanǵan.

Eske sala keteıik, buǵan deıin Dúnıejúzilik kóshpendiler oıynynda Qazaqstan medaldar kestesinde kósh bastap turǵanyn jazǵan bolatynbyz.