V.Chelahtyń advokaty Joǵarǵy sotqa sot aktilerin qaıta qaraýǵa ótinish jasady

ASTANA. 24 shilde. QazAqparat - Qazaqstan Respýblıkasynyń Joǵarǵy sotyna advokat S.Sársenovten V.V.Chelahqa qatysty sot aktilerin sot qadaǵalaýy tártibimen qaıta qaraý jóninde ótinish tústi. Bul týraly QR Joǵarǵy sotynyń baspasóz qyzmeti habarlady.

Eske sala keteıik, V.Chelah QR QK-niń 2-bólimi 96-babynyń «a, v, d, k, n» tarmaqtarynda; 1-bólimi 175-babynyń «b,v» tarmaqtarynda; 3-bóliminiń 255 baby, «a» tarmaǵynda; 1-bólimi 251-babynda, 2-bólimi 387-babynda, 2-bólimi 145-babynda kózdelgen qylmystar jasaǵany úshin ómir boıy bas bostandyǵynan aıyrýǵa sottalǵan bolatyn.

«Advokat óziniń ótinishinde V.V.Chelahqa qatysty mamandandyrylǵan aýdanaralyq qylmystyq ister boıynsha áskerı sottyń úkimin, birinshi ınstantsııadaǵy osy úkimdi ózgerissiz qaldyrǵan áskerı sottyń apelıatsııalyq jáne kassatsııalyq sot alqalarynyń qaýlylaryn tolyq kóleminde alyp tastap, qylmystyq isti qysqartýdy suraıdy», - dep atap ótilgen baspasóz baıanynda.

QR QPK-iniń 463-babyna sáıkes zańdy kúshine engen sot aktilerin qaıta qaraý týraly ótinishti sot aldyn ala túsken kúninen bastap bir aı ishinde, al is talap etilgen jaǵdaıda - is túsken kúnnen bastap bir aı ishinde zerdeleıdi.

Atalǵan ótinishti aldyn ala qaraý qorytyndylary boıynsha sot qadaǵalaýy tártibimen is boıynsha óndiristi qozǵaý úshin negiz bar nemese joǵy týraly másele sheshiletin bolady.