V. Chelahqa qatysty sot otyrysy barynsha ashyq jaǵdaıda ótedi
ASTANA. 12 qarasha. QazAqparat - Arqankergen beketindegi oqıǵaǵa baılanysty Vladıslav Chelahqa qatysty sot otyrysy barynsha ashyq jaǵdaıda ótedi. Bul týraly búgin Astanada ótken brıfıngte QR Bas prokýratýrasynyń resmı ókili Nurdáýlet Súıindikov málim etti.
«2012 jylǵy 31 qazanda kisi óltirý men basqa da qylmystardy jasaý boıynsha aıyptalyp jatqan V. Chelah sotqa berilgendigi belgili. Oǵan QR Qylmystyq kodeksiniń 9 baby boıynsha aıyp taǵylýda. Materıaldarmen tanysý kezinde V. Chelah istiń alqa bılerdiń qatysýymen qaralýy jóninde ótinim bildirdi. Bul is úlken qoǵamdyq rezonansqa ıe bolǵandyqtan aıyptaý taraby istiń alqa bılerdiń qatysýymen qaralý bastamasyn qoldaǵan bolatyn. Deı turǵanmen búgin isti aldyn ala tyńdaý sheńberinde V. Chelah jáne onyń qorǵaýshysy istiń sotta alqa bıleriniń qatysýynsyz qaralýy týraly málimdedi. Bul olardyń quqyǵy»,-dedi N. Súıindikov.
Resmı ókildiń pikirinshe, alqa bılerdiń qatysýynan bas tartýynyń túrli sebepteri bolýy múmkin. «Ol jóninde V. Chelah jáne onyń qorǵaýshylarynda naqty jáne shynaıy aqparat ózderinde bar shyǵar. Bul ózin-ózi qorǵaýdyń beligil bir tásili bolýy múmkin. Biraq, degenmen logıkalyq turǵysynan alqa bılerden bas tartyp, sottyń ózi qarasyn degen málimdeme kásibı sotqa senim bildirgen degen tujyrymdama jasaýǵa bolatyn shyǵar»,-dedi N. Súıindikov.
Onyń sózine qaraǵanda, bul rette protsess barynsha ashyq jaǵdaıda, isti qaraýdyń jan-jaqtylyǵy, taraptardyń aıtysýy men teń quqyqtylyǵy ustanymdaryn buljytpaı saqtaýmen ótkiziledi. Belgili bolǵandaı, sot 19 qarashaǵa belgilenip otyr. Barlyq múddeli tulǵalar sot otyrysyna qatysa alady.
