V. Chelahqa qatysty is alqa bılerdiń qatysýymen ashyq sot otyrysynda qaralady
ASTANA. 31 qazan. QazAqparat - «Arqankergen» shekara beketindegi áskerı qyzmetkerlerdiń óltirilýine qatysty tergeý amaldary aıaqtaldy.
2012 jyldyń 2 qazanynda adam óltirý jáne basqa qylmystar boıynsha aıyptalýshy, qatardaǵy jaýynger V.V.Chelahqa qatysty qylmystyq isti tergeý aıaqtaldy, dep habarlady Bas áskerı prokýratýranyń baspasóz qyzmeti.
Barlyǵy V.Chelahqa Qazaqstan Respýblıkasy Qylmystyq kodeksiniń 9 baby boıynsha aıyp taǵyldy.
Іs boıynsha tergeý zań talaptaryna sáıkes júrgizildi, dep habarlady Bas áskerı prokýratýranyń baspasóz qyzmeti.
2012 jyldyń 26 qazanynda aıyptalýshy V.V.Chelah jáne onyń qorǵaýshylary T.E.Berliqojanov, S.K.Sársenov, A.K.Muhametsadyqov is materıaldarymen tanysýdy aıaqtady.
Sondaı-aq qylmystyq ispen jábirlenýshilerdiń ókilderi de tanysty, tek óz quqyqtaryn T.ıA.Reı men I.M.Sısenov paıdalanǵan joq.
Qazaqstan Respýblıkasy Qylmystyq is júrgizý kodeksiniń 543 jáne 546 baptaryna sáıkes V.V.Chelahqa qatysty qylmystyq is onyń suraýy boıynsha alqa bılerdiń qatysýymen ashyq sot otyrysynda qaralady.
2012 jyldyń 31 qazanynda qylmystyq is sottyń qaraýyna joldandy.
