V.Bojkonyń basshylyǵymen «Qys-2012» respýblıkalyq komandalyq-shtabtyq oqý-jattyǵý ótedi
ASTANA. 14 naýryz. QazAqparat - 2012 jylǵy 15-16 naýryzda Qazaqstan Respýblıkasy Tótenshe jaǵdaılar mınıstri V. Bojkonyń basshylyǵymen «Ortalyq jáne jergilikti atqarý organdarynyń, kásiporyndar men uıymdardyń,
olardyń kúshteri men quraldarynyń kóktem mezgilindegi tótenshe jaǵdaılarǵa den qoıýǵa daıyndyǵy» taqyrybynda «Qys-2012» respýblıkalyq komandalyq-shtabtyq oqý-jattyǵý ótedi. Bul týraly atalǵan vedomstvonyń baspasóz qyzmetinen habarlandy.
Aqparatqa qaraǵanda, aǵymdaǵy jylǵy oqý-jattyǵý shtabynyń basshylyǵy Soltústik Qazaqstan oblysynyń Petropavl qalasynda bolady.
«Oqý-jattyǵý barysynda kúshter men quraldardyń yqtımal sý tasqynynyń saldaryn joıýǵa daıyndyǵy tekseriledi. Budan bólek is júzinde qutqarý men basqa shuǵyl jumystarǵa daıyndalý jáne ony júrgizý kezindegi is-qımyldardy úılestirýdiń algorıtmi men tetigi pysyqtalady», - delingen baspasóz aıǵaǵynda.
