V.Bojko júzdegen bazardy jabýdy kózdeıdi
ASTANA. 24 jeltoqsan. QazAqparat - Búginde bazarlardy jabý boıynsha sotqa jiberilgen 103 is boıynsha oń sheshim shyǵaryldy. Bul týraly búgin QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Tótenshe jaǵdaılar mınıstri Vladımır Bojko málim etti.
Mınıstrdiń habarlaýynsha, mınıstrlik bazarlardyń órt qaýipsizdigin erekshe nazarda ustaýǵa múddeli. Osyǵan oraı, bıyl respýblıka boıynsha 530 bazar tekserildi. Sonyń nátıjesinde 4,5 myń quqyq buzýshylyq anyqtalyp, 513 laýazymdy tulǵa jaýapqa tartyldy. Olarǵa 8,3 mln. teńge kóleminde aıyppul salyndy. «Osy ýaqytqa deıin aýdandyq mamandyrylǵan sottarǵa bazarlardyń jumysyn toqtatý týraly 130 aryz jiberildi. Onyń 103-i boıynsha oń sheshim shyqty. 23 aryz áli sotta jatsa, tórteýine qatysty teris sheshim shyǵaryldy. Qazirgi kezde tek Almaty qalasy boıynsha ǵana órt qaýipsizdigi saqtalmaǵan 24 bazar bar», - deıdi V.Bojko.
