V. Bojko Úkimet basshysynan halyqqa tótenshe jaǵdaılar jóninde dabyl beretin qurylǵylardy ornatý týraly ákimdikterge tapsyrma berýdi surady
ASTANA. 14 qańtar. QazAqparat /Gúlmıra Álıakparova/ - QR Tótenshe jaǵdaılar mınıstri Vladımır Bojko, búgin vedomstvonyń keńeıtilgen alqa májilisinde QR Úkimetiniń basshysy Kárim Másimovten ákimdikterge halyqqa tótenshe jaǵdaılar týraly dabyl beretin qurylǵylardy ornatýǵa tapsyrma berýdi surady.
V.Bojko atap kórsetkendeı, 2010 jyly TJM-nyń qoldanysyna halyqty habarlandyrýǵa arnalǵan basty qurylǵylar tapsyryldy. "Olar jumysqa jaramdy, biraq úıler men turǵyn úı ǵımarattarynda olardyń sany azaıyp barady. Júıeni qarjylandyrý jáne jańǵyrtý máseleleriniń jergilikti deńgeıde sheshilýi óte tómen. Naqty aıtqanda, múldem sheshilip jatqan joq dese bolady», - dedi ol.
Sonymen birge mınıstr, tótenshe jaǵdaılar jóninde uıaly telefondar arqyly habarlaý tájirıbesi múldem qoldanylmaı otyrǵanyn aıtty.
Osy rette vedomstvo basshysy, K.Másimovke ákimdikterge qalalar men eldi mekenderde dabyl qaǵatyn jáne dybys kúsheıtkish quraldardy ornatýǵa tapsyrma berýdi ótindi. Onyń sózine qaraǵanda, bul túıtkildi sheshý máselesimen búgingi kúni tek bir ǵana óńir - Batys Qazaqstan oblysy aınalysyp otyr.
