V. Bojko sý basý jaǵdaıy kúrdeli óńirlerdi aralap keldi
ASTANA. QazAqparat - Temperatýranyń kúrt kóterilýi men qardyń jyldam erýi saldarynan Qaraǵandy, Aqmola oblystarynda sý basý qaýpi týyndaýda. Sonymen qatar Soltústik Qazaqstan, Shyǵys Qazaqstan jáne Pavlodar oblystarynda da sý deńgeıiniń kóterilýi jaǵdaıy baıqalýda.
QR ІІM TJK málimetine qaraǵanda, atalǵan mınıstrlik basshysynyń orynbasary V.Bojko men Tótenshe jaǵdaılar komıtetiniń tóraǵasy general-maıor V.Petrov jaǵdaıdy aıqyndaý úshin Qaraǵandy, Aqmola, Shyǵys Qazaqstan jáne Soltústik Qazaqstan oblystary aýmaǵyn áýeden baıqaý saparlaryn jasady.
Atap aıtqanda, ótken táýlikte Qaraǵandy oblysyndaǵy Temirtaý qalasy men 24 aýylda qutqarý sharalary júrgizildi. Bul jumystarǵa QR ІІM-niń, jergilikti atqarý organdarynyń, Qorǵanys mınıstrligi bólimsheleriniń kúshteri jumyldyryldy. Jergilikti jerlerde sýdan tazartý, eldi mekenderdi sý basýdan qorǵaý, ózen arnalaryn tazartý sharalary atqarylýda. Sý deńgeıiniń kóterilýi kezeńinen beri aldyn ala 567 adam qaýipsiz jerge kóshirildi. Qazirgi kezde onyń 123-i ózderiniń úılerine oralýda.
Aqmola oblysynda qutqarý jumystary Atbasar qalasynda jáne 12 aýylda iske asyrylýda. Sý deńgeıi kóterilýi merziminde 370 adam kóshirilgen bolatyn, onyń 230-y úılerine oraldy.
Al Shyǵys Qazaqstan oblysy aýmaǵynda tıisti sharalar Glýbokoe jáne Borodýlıha aýdandarynda júzege asyrylýda. Bul jumystarǵa 200-den astam jumyldyryldy.
Soltústik Qazaqstan aýdanynda Petropavl qalasy men 6 aýdan aýmaǵynda aldyn alý sharalary atqarylýda. Qazirgi kezde jaǵdaı turaqtaldy. Erigen qar sýynan tazartý sharalary júrgizilýde.
Vedomstvonyń habarlaýynsha, áleýmettik mańyzy bar nysandarda tótenshe jaǵdaılar oryn alǵan joq. Qajet bolǵan jaǵdaıda qutqarýshylar shaqyrtý alǵan jerge shuǵyl jetip, tıisti kómek sharalaryn iske asyrýda. Eldi mekenderde baqylaý beketteri qoıyldy. Іs-qımyldardy úılestirý men ahýaldy taldaý maqsatynda atalǵan oblystardyń tótenshe jaǵdaılar departamentterinde jedel shtabtar jasaqtaldy.
