V.Bojko Semeı qalasynyń qysqy maýsymǵa daıyndyǵy barysynda týyndap otyrǵan problemaǵa alańdaýshylyq bildirdi

Mınıstrdiń aıtýyna qaraǵanda, QR Tótenshe jaǵdaılar mınıstrliginiń aýmaqtyq bólimsheleriniń esebinde turǵan 952 qazandyqtyń 493-ine jóndeý jumystaryn júrgizý josparlanǵan. Qazirgi ýaqytta onyń 274 jóndelip, 727-si paıdalanýǵa ázir tur. Alaıda birqatar oblystardaǵy qazandyqtardyń qysqy maýsymǵa daıyndyǵy alańdaýshylyq týdyratyndyǵy atap ótken V.Bojko «Mańǵystaý oblysynda 16 qazandyqqa jóndeý jumystaryn júrgizý josparlanǵan, alaıda tek 1-eýi ǵana jóndelgen. Dál osyndaı jaǵdaı Atyraý oblysynda da oryn alyp otyr. 11 qazandyqqa jóndeý júrgizý jsoparlanǵanymen, tek 4-eýi ǵana jóndelgen. Soltústik Qazaqstan oblysynda 3 qazandyq jóndelgen, al josparlanǵany 11 bolatyn. Qaraǵandy oblysynda 18 qazandyq jóndelse, josparlanǵany 39 qazandyq edi. Qyzylorda oblysynda 5 qazandyqqa jóndeý jumystaryn júrgizý josparlanǵan, al oryndalǵany bizdiń baqylaýymyzda turǵan 1-eýi ǵana», dedi.

Sondaı-aq mınıstrdiń atap ótýinshe, Semeı qalasynda ornatylǵan jalpy qazandyqtar sanynyń 74 paıyzy óziniń normatıvtik merzimin aıaqtaǵan. «Qalaǵa kómek kerek. Oryn alyp otyrǵan jaǵdaı alańdaýshylyq týdyrady», dep qorytty sózin V.Bojko.