V.Bojko oqý jylynyń aldynda bilim berý mekemelerin qadaǵalaýdy jiti nazarǵa alýdy tapsyrdy
TANA. 18 tamyz. QazAqparat /Gúlmıra Alıakparova/ - QR Tótenshe jaǵdaılar mınıstri V.Bojko vedomstvoǵa qarasty qalalar men oblystardaǵy qurylymdardyń basshylaryna oqý jylynyń aldynda
mektepter men mektepke deıingi bilim mekelelerin qadaǵalaýdy jiti nazarǵa alýdy tapsyrdy.
Búgin Astanada QR TJM basshysy Vladımır Bojkonyń tóraǵalyq etýimen qalalyq jáne aýdandyq tótenshe jaǵdaılar basqarmalary (bólimderi) men oblystyq departamentter basshylarynyń qatysýymen alǵashqy respýblıkalyq semınar-keńes óz jumysyn bastady. Oǵan eldiń barlyq óńirinen 250-den astam basshysy qatysýda.
«Jańa oqý jylynyń aldynda mektepter men mektepaldy mekemelerdi erekshe nazarǵa alý kerek. Ásirese, anyqtalǵan kemshilikterdi joıý máselesin. Jýyrda Úkimet otyrysynda men, aǵymdaǵy jyldyń sáýir aıynan bastap júrgizgen jumystarymyzdyń nátıjesi týraly habardar ettim. Naqty tsıfrlardy keltirdim. Árıne, ákimdikter, bilim berý jáne densaýlyq saqtaý organdary bizdiń eskertýlerimiz boıynsha sharalar qoldanyp jatyr. Degenmen, bul bizdiń atalmysh bóliktegi qadaǵalaýymyzdy báseńdetýge negiz bermeıdi», - dep atap ótti ol.
Eske salaıyq, 16 tamyz kúni Úkimet otyrysynda V.Bojko, Tótenshe jaǵdaılar mınıstrligi Qazaqstannyń 5 myń 178 bilim berý mekemesinde órtke qarsy qaýipsizdik jaǵdaıyna tekserýler júrgizgendigin, olardyń nátıjesinde órt qaýipsizdigi erejeleriniń 17 myńnan astam buzýshylyǵy anyqtalǵandyǵyn baıandaǵan bolatyn.
