V.Bojko Qostanaı oblystyq Tótenshe jaǵdaılar departamentiniń jańa basshysyn tanystyrdy
QOSTANAI. 1 sáýir. QazAqparat - Jeksenbi kúni QR TJM basshysy Vladımır Bojko oblystyq Tótenshe jaǵdaılar basqarmasynyń jańa basshysyn tanystyrý jáne óńirdiń sý tasqyny maýsymyna daıyndyǵyn tekserý úshin Qostanaı oblysyna keldi.
Qostanaı oblystyq Tótenshe jaǵdaılar departamentiniń bastyǵy qyzmetine buǵan deıin QR TJM Tótenshe jaǵdaıdy jáne ónerkásiptik qaýipsizdikti memlekettik baqylaý jónindegi komıtetiniń tóraǵa orynbasary laýazymyn atqarǵan Musa Tanabaev keldi. Jańa basshy vedomstvonyń Qostanaı oblysyndaǵy aýmaqtyq organdarynyń jeke quramyna tanystyryldy.
Qostanaı oblystyq TJD-nyń burynǵy basshysy Evgenıı Batov óz erkimen jumystan ketý týraly ótinishine sáıkes qyzmetinen bosatyldy. V.Bojko E.Batovqa «Qutqarý jumystaryna qatysqany úshin» tós belgisin tabys etti, sondaı-aq onyń departamenttiń barlyq baǵyttar boıynsha jandanýyna qosqan súbeli úlesin atap ótti.
QR TJM-niń baspasóz qyzmetinen málim etkendeı, jumys sapary barysynda mınıstr Qostanaı oblysynyń ákimi Nuraly Sádýaqasovpen uıymdar men mekemelerdiń sý tasqyny maýsymyna daıyndyq jaǵdaıyn talqylady, Qostanaı qalasynyń sý sharýashylyq nysandarymen, Tobyl ózeniniń, Rýdnyı qalasyndaǵy Zatobol bógetiniń jáne Qaratomar sý qoımasynyń jaǵdaıymen tanysty.
Іri ındýstrııalyq nysandardaǵy ónerkásiptik qaýipsizdikti qamtamasyz etý máselesiniń mańyzdylyǵy eskerile otyryp, V.Bojko sondaı-aq Sokolov-Sarybaı taý-ken óndirý óndiristik birlestiginiń nysandaryn aralap kórdi.
