V.Bojko Qazaqstandaǵy kóktemgi sý tasqynynda qaza tapqandardyń naqty sanyn aıtty
ASTANA. QazAqparat - QR Іshki ister mınıstriniń orynbasary Vladımır Bojko OKQ brıfınginde sý tasqyny kezinde qaza tapqandardyń naqty sany týraly málim etti.
«Keıbir BAQ-ta biz qaza bolǵanlardyń naqty sanyn jasyryp otyrmyz degen aqparat taratyldy. Men segiz jyl boıy aıtyp kelemin: biz eshqashan eshteńeni jasyrmaımyz. Bıylǵy sý tasqynynda Ǵabıden Mustafın aýylynda eki egde erli-zaıypty adam qaıtys boldy. Jáne úshinshi bir adam tasqyn sýǵa ózi sekirip, opat boldy. Biz ony sýıtsıd qurbany dep eseptedik. ıAǵnı sý tasqynynda jańaǵy eki qart qaıtty, olar sý tasqyny bolatynyn estise de, aýyldan ketpegen», - dedi V Bojko.
Sonymen qatar, V. Bojko Respýblıkanyń ár oblysynda sý tasqynynyń tıgizgen zardaby týraly málimetterimen bólisti.
«Naqty shyǵyn áli eseptelip jatyr, biraq osy bastan aıtaıyn, shyǵyn mıllıardtap sanalady. Qazir Aqmola oblysynyń esebi daıyn. Pavlodar men Shyǵys Qazaqstan oblystary 800 mln teńgeden qarajat surap otyr. Qaraǵandy oblysyndaǵy shyǵyn 8-9 mlrd. teńge, Aqmolada da sondaı bolady. Biraq, bulardyń barlyǵy áli tolyq emes derekter. Elektr jelileri men baılanysty qalpyna keltirgen qarajat áli sanalǵan joq», - dedi ol.
