V.Bojko: Áskerı bólimder men nysandarda qaýipsizdik erejelerin buzýdyń 8 myńǵa jýyq jaǵdaıy anyqtaldy
ASTANA. 1 aqpan. QazAqparat /Aıdar Ospanalıev/ - Ótken jyly tótenshe jaǵdaılar salasynyń ókilderi 1 myń 233 áskerı bólim men áskerı nysandy tekserip, olardan jáne oq-dári qoımalarynda qaýipsizdik erejelerin buzýdyń 7 myń 803 jaǵdaıyn anyqtady.
Bul týraly búgin Tótenshe jaǵdaılar mınıstrliginiń 2011 jyly atqarǵan jumystaryna baılanysty ótken alqa májilisinde atalmysh vedomstvo basshysy Vladımır Bojko málim etti.
Onyń derekterinshe, osy júrgizilgen tekserýlerdiń nátıjesinde 939 laýazym ıesi ákimshilik jaýapqa tartylyp, elimizdiń sottaryna áskerı nysandardyń jumystaryn toqtatý jóninde 29 talap-aryz engizildi.
