V.Bojko «Antıgeptıl» belsendilerine ekologııalyq ahýaldy sáıkesinshe qyzmetterden anyqtaýǵa keńes berdi
ASTANA. QazAqparat - «Proton» zymyranynyń qulaýyna baılanysty ekologııalyq ahýaldy sáıkesinshe qyzmetterden anyqtap bilý qajet. Búgin Tótenshe jaǵdaılardyń aldyn alý jáne olardy joıý jónindegi vedomstvoaralyq memlekettik komıssııanyń otyrysy aıasynda BAQ ókilderine suhbat bergen QR Іshki ister mınıstriniń orynbasary Vladımır Bojko osylaı dep málimdedi.
«Mán-maǵynasyz boljam jasap, túrli usynystar jasaýdyń esh qajeti joq degim keledi. Odan da bizdiń ekologııalyq qyzmetterge júginińizder. Olar oǵan baılanysty tolyq jaıtty aıtyp beredi»,- dedi ol.
Buǵan deıin «Antıgeptıl» qozǵalysynyń belsendileri Vladımır Bojkoǵa «Proton» qulaǵan jerde ómir súrýge keńes bergen edi. Olardyń paıymynsha, Іshki ister mınıstriniń orynbasary sol arqyly atalǵan aımaqtaǵy ekologııa ómir súrýge qaýipsiz ekendigin dáleldeýi tıis.
«Men «dıvandyq» dep ataıtyn jekelegen adamdardyń, sarapshylardyń dórekeligi ári ádepsizdigi meniń kóńilime qaıaý túsiredi», - dedi ol.
