V Azııa oıyndary: El qorjynyna eki altyn medal tústi
ASTANA. QazAqparat - Túrikmenstan astanasy Ashhabad qalasynda jaýyngerlik óner túrleri boıynsha jabyq ǵımaratta ótetin V Azııa oıyndarynda óner kórsetip jatqan Qazaqstan quramasynyń qorjyny eki altyn medalmen tolyqty, dep habarlaıdy QazAqparat tilshisi.
V Azııa oıyndary saıtyndaǵy aqparattarǵa súıensek, erler arasyndaǵy ıadro laqtyrý básekesinde otandasymyz Ivan Ivanov ıadrony 19.60 metrge laqtyryp, altyn medal ıelendi. Sondaı - aq, bul nátıje jabyq ǵımaratta ótetin Azııa oıyndarynyń jańa rekordy bolyp tirkeldi.
Al erler arasynda syryqpen sekirý básekesinde Sergeı Grıgorev top jardy. Qazaqstandyq atlet 5.40 metr bıiktikti baǵyndyryp, el qorjynyna ekinshi altyn medal saldy. Sonymen qatar, bul nátıje de Azııa oıyndarynyń jańa rekordy bolyp jazyldy.
