V.Alekperov: «Lýkoıl» «Astana HQO» jumystaryna qatysý múmkindigin belsendi qarastyrýda
SANKT-PETERBÝRG.QazAqparat - «Lýkoıl» kompanııasy «Astana halyqaralyq qarjy ortalyǵyna» qatysý múmkindigin belsendi qarastyrýda, bul týraly Memleket basshysy Nursultan Nazarbaevtyń Sankt-Peterbýrg qalasynda ótip jatqan 20-shy ekonomıkalyq forýmy aıasynda Reseı Federatsııasynyń isker toptar ókilderimen kezdesýinde kompanııa basshysy V.Alekperov málim etti.
V.Alekperov «Lýkoıl» kompanııasy 40-tan astam elde jumys jasaıtynyn, sonyń ishinde Qazaqstan aýmaǵyndaǵy jumysy kompanııanyń damý strategııasynda erekshe orynda turatynyn aıtty. 10 jyldyń ishindegi belsendi ınvestıtsııalyq jumystarynda kompanııa 4 mlrd dollardan astam qarjyny energetıka salasyndaǵy jobalarǵa salǵan. Áleýmettik saladaǵy ınevestıtsııalary osy mezgil ishinde 300 mln dollarǵa jetken.
Energetıka salasynda Qazaqstan-Reseı yntymaqtastyǵynyń perspektıvasy týraly sóz qozǵaǵan V.Alekperov Kaspıı teńizi baǵytyndaǵy RF pen Qazaqstannyń birikken strategııalyq múddelerine nazar aýdartty. «Lýkoıl» basshysynyń sózine qaraǵanda, Kaspıımen baılanysty jobalar Qazaqstan aımaqtarynyń áleýmettik-ekonomıkalyq qozǵaltqyshy bolmaq.
V.Alekperov «Lýkoıl» kompanııasy «Astana» Halyqaralyq qarjy ortalyǵy» jumysyna qatysý múmkindigin belsendi qarastyryp otyrǵanyn aıtty.
