Uzyndyǵy bir shaqyrymnan asatyn shujyq Gınness rekordtar kitabyna endi
BEIJІŃ. 5 aqpan. QazAqparat - Qytaıdaǵy Shyńjań-Uıǵyr avtomnomııalyq ólkesinde «Vantýn» mal ósirý fermasynyń jumyskerleri jylqy etinen alyp shujyq daıyndady.
Dámdi taǵamnyń uzyndyǵy 1111 metrdi qurady, dep habarlaıdy jergilikti BAQ.
Ótken demalys kúnderi QHR ShUAÓ-niń Sháýeshek okrýgi Emın ýezinde Ulttyq as úıiniń aptasy ótti. Sharanyń aıasynda kórermenderdiń nazaryna aspazdyq týyndy - uzyndyǵy bir shaqyrymnan asatyn jylqy etinen jasalǵan shujyq usynyldy. Ony daıyndaý úshin 5 tonnadan artyq jylqy eti jumsaldy. Jergilikti aspazdar taǵamdy daıyndaý úshin 9 kún eńbektendi.
Shyńjańda daıyndalǵan delıkates álemdegi eń uzyn jylqy shujyǵy bolyp, Gınness rekordtar kitabyna engizildi.
