Uzyndyǵy 1006,61 metrge jetetin dıvan Gınness rekordtar kitabyna endi
ASTANA. QazAqparat - Reseıdiń Saratov qalasynda uzyndyǵy 1006,61 metrge sozylatyn dıvan jasaldy, bul álemdegi jańa rekord boldy, dep habarlaıdy FreeNews-Volga.
Qaladaǵy sý jaǵasyna qoıylǵan jıhazdy tamashalaýǵa 15 myńnan astam adam jınalǵan. Oǵan bir mezette eki jarym myń adam erkin syıyp otyrǵan. Munda arnaıy kelgen Gınnesstiń rekordtar kitabynyń ókili Anna Orford jıhazdyń uzyndyǵyn taheometrmen ólshep, jańa rekordtyń ornatylǵanyn jarııa etti. Dıvandy qurastyrǵan iri reseılik jıhaz kompanııasynyń habarlaýynsha, oǵan 7,5 shaqyrym qyzyl tústi ekologııalyq bylǵary jumsalǵan. Endi bul dıvan 500 birdeı bólikke bólinip, satýǵa qoıylady, al odan túsken qarajattyń 10 paıyzy qaıyrymdylyqqa jumsalady. Aıta keteıik, buǵan deıin Gınnesstiń rekordtaryna «Álemdegi eń uzyn dıvan» sanatyna norvegııalyq jıhazshylardyń uzyndyǵy 890 metr bolatyn dıvany engen edi.
